Në moshën 63 vjeçare ndërroi jetë veterani i arsimit shqip në Maqedoni mësuesi Amet Adili, i cili gjatë karrierës së tij punoi mësues në fshatin e lindjes në Shipkovicë të Malësisë së Sharrit. Aktivitetet e këtij veterani të arsimit janë të lidhura ngushtë me  ngjarjet e gjithmbarshme kombëtare. I ndjeri, ka mbaruar shollimin fillor dhe të mesem në Tetovë, ndërsa Shkollën e Lartë Pedagogjike drejtimi Histori-Gjeografi në Gjakovë.

Amet Adili mbetet mësues që i takon gjeneratës së qëndresës shqiptare ngase ka qenë tri herë i dënuar përkatësisht i larguar nga puna për shkak të veprimtarisë së tij atdhetare.

Ndërroi jetë në mënyrë aksidentale pikërisht në ditën kur i mbushte 63 vjet. Varrimi i këtij mësuesi u bë me ceremoni kombëtare dhe fetare në varrezat e Tetovës. Amet Adili, do të ngelet në kujtesën e gjeneratave që i mësoi dhe frymëzoi për kauzën kombëtare.                                                                                                                                                                 Ismet Krosi