Gjuha shqipe u bë gjuhë mushkë ! Gjuhë shterpë !U hoq nga „kokat e mëdha“ të Prishtinës dhe Tiranës trajta paskajore (!) Tashma nuk do përdorej  shqipja * me hangër *, * me fjetë*,*me pi*, si në gjuhët e tjera europiane    *to eat * , * to sleep*, to drink* ;ose * mangiare*, * dormire *, * bevere *, por sipas imponencës „ të haç „ – „ të fleç „ – „ të piç „të kongresit .

Kjo nuk ishte kaq e thjeshtë. Duhej zhdukur paskajoria e bashkë me të gjuha gegnishte ,se fill mbas kësaj zhdukesh Fishta , Koliqi ,Prenushi ,Floqi,Shiroka , Shantoja , Haxhiademi,Papajani ,Kamsi ,Gurakuqi ,Mjeda për të mbetur kucovllehët,vllahosllavët  skizmogrekët në krye të shkencave shqiptare (!)

Specialistët e gjuhës e dinin shumë mirë ,dhe akademiku Qose edhe ma mirë ,që eliminimi i paskajores e asfikson dhe e bllokon evoluimin e një gjuhe . Punë e madhe ! Pse mendohet serbisht e përkthehet bukvalisht në shqip , duke e detyruar malësorin e Kosovës dhe të Shqipërisë të flasë pederisht ,si psh  „ qish veten !“ e duke mos lejuar të pyes „ a jeni bre burrat e dheut ? „ sepse jemi një komb (!) ,kemi një gjuhë (!) e pallavra të tjera ...Këto mund t`ia shisni ndonji injoranti i cili vet i treti vëlla,ka katër klasë fillore ,jo mua profesor ! As një rresht nuk shkrove profesor i nderuar për Fishtën . Edhe kur të recitova natën e 28 nentorit 1992 në restorant MONDIALI Tiranë  disa  vargje të Fishtës nga „Dredha e Djallit „ u befasove nga madhështia e filozofisë së Tij.U gëzova që një i madh si Ju , mrekullohej nga madhështia e Fishtës Gëzimi juaj ishte tepër i sinqertë .Tashti kam të drejtë të pyes  sinqerisht -  vërtetë nuk e keni lexuar Fishtën apo keni urdhër të mbani një pozicion të tillë ?!  

Për atë Naim Beun e Frashërit ,që nuk e dinte se përmbi lumin Vjosë kishte Shqypni ,shkruat 637 faqe dhe bëtë shumë mirë. E dinit se mbi 80 % të shkrimeve Naimi i kishte bërë në turqisht ,persisht dhe greqisht .Harruat tek „Porosi e Madhe „ të shkruanit  që i madhi Naim ,kur i vdiq vëllai u martua me të shoqen e vëllait dhe vdiq nga sëmundje veneriane .Ndërsa për Fishtën e Madh që sllavofilët e lanë pa varr , jo vetëm nuk shkruat 63 rreshta ,por dhe tek përmbledhja e fundit nuk gjetët vend për të .Nuk prish ndonji punë , librat ua promovon në Tiranë Molotovi (Moikom ) Zeqo.

Kur në 1913 u coptua Shqypnia ethnike At Fishta i madh shkruante  

                       Heu Europë ,moj kurva e motit.

                       Si i rè mohit , besës së Zotit ?

                       Po kjo à sheja e gjytetnisë ?

                       Me i dà tokat e Shqypnisë

                       Për me i knaqë klysht e Rusisë !?..

Ata „lloj“ studentash që i keni „përgatitur „ Ju me pedagogë të tjerë në Prishtinë ,heu mo Zo`ma keq!Ata, nuk dallojnë At Fishtën nga Patër Anton Arapi ?Asht si me të krahasu Ty profesor që shkon me mbrojtë kombin në Rambuje , me Fatos Nanon në Kretë , kur foli kryemëkrye me Kryetarin Tuaj real Sllobodan Millosheviqin ( përsakohë që Rugova ,sipas jush është kryetar  fiktiv i një republike fiktive ,nuk më keqkupton besoj  i  mbetet Sllobos të jetë kryetari i vërtetë i juaji.)

Tek ay muze i turpshëm , kriminal ,antikombëtar ,hartuar në zyrat e UDB-së ,për të hedhur baltë e vner mbi atdhetarinë e klerit shqiptar nepërmjet montazhit fotografik , e mbani mend zotri profesor , që u kallxova se si isha dëshmitar okular kur natën futi armët në altar Sigurimi Shtetit e sa zbardhi dita të nesërmen arrestoj e pushkatoj 22 priftërinj e hoxhallarë . Armët u futën në Kishën Françeskane dhe kolegjin ku kishte dhënë mësim Fishta . Të gjitha këto bëheshin 20 vjet pas vdekjes së Tij. Mirëpo Fishta ishte ipavdekshëm . Nuk ka nxanës së Normales së Famshme të Elbasanit që ka kryer studimet para viteve 1940 atje , pavarësisht e ka emnin Bilal apo Qazim ,Thanas apo Gjokë,Tahir apo Mark ,që mos të dijë përmendësh Lahutën e Malësis, Anzat e Parnasit apo Gomarin e Babatasit.Atje mësuan breza të tërë dhe i pari kontigjent mësuesish erdhi në Kosovë e Gjakovë. E kujtoni besoj Emin Durakun , Shaban Arrën ,Muhamet Oruçin që me Fishtën në gojë mësonin fëmijtë e Gjakovës . E Ju përsëri heshtët . E pra nuk jeni as fondamentalist.

Ndërsa ti Ismail , bëre e ia hype kalit mbrapsht zor se ia zdrypën ma !!!...Për ty as nuk mërzitem se a të mbetë hatëri.Se të pata shok e dashamirë jo si intelektualët e tjerë që të spiunonin sistematikisht , por  e di ti, më mirë se askush pse nuk flet për kolosin Fishta. Dakord sa ishte gjallë ay gjitoni yt i „ Sokakut të të Marrëve „ – Enveri i Hoxhatëve tà deshte puna t`a anatemoje

Fishtën e Madh , po kur i kthej patkonjtë?... Po kur kolegu yt, akademik Qoseja tha më 21 shkurt 1991 që :...Enveri ka vdekë përsëdyti...“, përse nuk u deklarove cili është Gjergji i Madh ?               Sepse ti Ismail ,as e ke lexuar dhe po të siguroj me atë pasuri që ke për gjuhën shqipe të tredhur në Kongresin e Drejtëshkrimit nuk e lexon dot Fishtën .

Dhe ti ishe anëtar i atij Komisioni Fatkeq që mblidhej , mbas 50 vitesh ,kur Fishta i madh i kishte dhënë konkluzionet shkencore se çfarë ngjet me një gjuhë kur i hiqet paskajoria.                           E quajte qiellor Lasgush Poradecin sepse u end pas një bjondeje nordike, kaloj tre qiej për t`a zënë dashnore Lasgushi.Ndërkohë ajo i kishte ndrruar nja tre...At Fishta zbriti engjëjt nga qielli për të spërndritun mëndjet e shqyptarëve e ti nuk u ndjeve . Morre dhe Orët e Bjeshkve e i fute në Shtëpi Publike kurse Fishtën nuk e fute të paktën një herë në letrat e tua (!)  

Bukur qebesa !

Po Gjergj Fishta është  diellor . Që ti bëhet eklips Atij është tepër e vështirë dhe aspak detyrë kombëtare. Tek vepra tënde e përsosur „ Autobiografia e popullit në vargje „ përshkon këtë galaksi të vyer të folkut tonë , ndërsa për çudi të urtin e të palodhurin Homerik – Fishtën ,jo vetën nuk e përmend ,por për çudi  sapo të jepet rasti e quan bejtexhi . Përmend dhe një farë ndryshku për gjuhën e tij, kurse sapo t`a do interesi që lexuesit të të nderojnë për hulumtimet e tua me shumë vlerë në lashtësi ,i përulesh Budit , Bogdanit , Buzukut e kronikanëve primitivë turq , kurse gjeometrisë tredimensionalëshe  të veprës fishteane i rri larg . Përse bre mik i Mirë dhe i Aftë ? Prifti i urtë dhe i mënçur Gjergj , nuk do ngrihet nga varri të të kërkoj Dekoratën Nderi i Kombit  që mbani Ju dhe Prof.Qose!  

Dikush nëpërmjet Radio – Kanal ,pyeti :- a i lejohet një prifti si Fishta ,që tek Lahuta e Malësisë , të shajë kombet e tjera ?!...Dëgjoni mjeranë që e përgojoni Fishtën pa e lexuar , ay në veprat e tija shkruan me respekt edhe për kinezët punëtorë e të

pa fjalë(!) , assesi nuk shanë kombet e tjera. Por nëse dikujt i vjen keq pse tek vepra e vet At Gjergj Fishta tregon se, kush asht shkjau , pabesitë e krimet e shkjaut , se si duhet Flamuri , Liria dhe Atdheu , kjo mos të bëhet shkak për ti shitur Flamurin ,Lirinë apo Atmen,se Gjergj Fishta as nuk shitet as nuk blehet por vetëm: Mësohet dhe u trashëgohet brezave .

Ruga e Gj.Fishtës në Zarë (Zadar) Dalmaci !!!